Fyrirtæki og stofnanir

Starfshópar og aðrir hópar þurfa oft rými til að huga að hópnum sjálfum, t.d. til að hlúa að vexti hans og viðgangi eða til að horfast í augu við að líftími hópsins er takmarkaður. Því hópar settir saman af ýmsum ástæðum, til að uppfylla ólík markmið og eiga oft sín eigin líf.

Hópar eru flókin mannleg kerfi, og stundum verða hópar „minna en“ summa einstaklinganna gefur tilefni til og stundum verða þeir „meira en“ summan gefur tilefni til. Stundum byrja hópar vel en missa svo flugið og stundum byrja hópar illa en verða svo frábærir. Við getum hjálpað hópum til að nýta bestu eiginleika sína og meðlimum hópa til að skilja betur hegðun sína sem leiðtoga, leiðbeinanda og sem virkra meðlima í hópi. Námskeið Áskorunar eru gæðarými fyrir hópa til að hugsa.

Sérfræðingar Áskorunar hafa auk þess margra ára reynslu af meðferðarstarfi og vinnu með erfiðar aðstæður sem upp geta komið í hópum, eins og torleysanlegan ágreining, hóphugsun og einelti. Sjá Vinnustofur og Námskeið.

Í Áskorun er einnig yfirgripsmikil þekking á undirbúningi, skipulagi og framkvæmd stuttra sem langra ferðalaga um öræfi á Íslandi og víðar, og best þekkjum við til gönguferða með bakpoka, hjólaferða og siglinga á seglbátum eða róðrarbátum, kanó og kajak. Sjá Ráðgjöf og stuðningur.
Við bjóðum einnig upp á örvandi fyrirlestra um ýmis málefni sem sem mæða á manneskjum. Sjá Fyrirlestrar.