Saga fyrirtækisins

Mennta- og þjálfunarfyrirtækið Áskorun var stofnað á Þingvöllum, vorið 2000, í Lögréttu hinni fornu. Þar stigu þeir á stokk og strengdu heit félagarnir, Björn Vilhjálmsson, Jakob Frímann Þorsteinsson og Þórarinn Eyfjörð, stofnendur og eigendur þessa einkahlutafélags. Nafn fyrirtækisins „Áskorun" er tilvísun í lykilhugtak í hugmyndafræði Reynslunáms og þótti það viðeigandi nafn á fyrirtæki, sem hefur vöxt og þroska fólks að leiðarljósi. Árið 2003 seldi Þórarinn Eyfjörð hinum tveimur sinn hluta í fyrirtækinu og yfirgaf það til að sinna öðrum störfum og takast á við nýjar „áskoranir" í lífi sínu.

Tilgangur Áskorunar hefur frá upphafi verið vettvangur og umgjörð um fræðslu- og menntunarstarfsemi okkar eigendanna fyrir ólíka hópa fólks. Við erum sérfræðingar í að vinna með námsferli í hópum, þ.e. í að virkja hópa sem lítil námssamfélög, aðstoða hópa til að verða virkari og getumeiri í samskiptum og samstarfi, og í að laða fram leiðtogann sem býr innra með fólki.

Eigendur Áskorunar ehf í dag eru: Björn Vilhjálmsson og Jakob Frímann Þorsteinsson
Framkvæmdastjóri er: Björn Vilhjálmsson