Námskeið
Námskeið – er í okkar skilningi heiti á námsferli sem er að lágmarki einn vinnudagur að lengd (8 stundir), en algengt er að þau séu á bilinu 1-6 dagar. Þó þekkjast líka talsvert lengri námskeið en 6 dagar, en þá er námsferlinu oft skipt niður í lotur, eins og „Via Experientia“ (sjá Námskeið erlendis), en þar eru þjálfunardagarnir samtals 24, í þremur lotum og í þremur löndum.
Námskeiðin, sem eru nefnd hér fyrir neðan, hafa verið kennd áður og eru 1 – 3 dagar að lengd. Hér eru námskeiðin aðeins nefnd sem dæmi um námskeið sem gætu hentað þínum hópi eða vakið hugmyndir þínar um efnisflokka sem gagnlegt væri að gera skil.
Lengri eflingarferli fyrir hópa eru:
Hópefli: Hópaferli sem stendur í meira en hálfan dag og þar sem verkefnum, æfingum og leikjum er beitt til að hrista hópana saman og gefa hópmeðlimunum tækifæri til að kynnast á nýjum forsendum. Hópeflisferlið virkjar fólk í athöfnum, kemur blóðinu á hreifingu og kveikir hláturinn, og samskiptin eflast þegar glímt er við óvenjuleg og áhugaverð viðfangsefni. Hér skiptir máli að hafa tíma og svigrúm til að þátttakendurnir geti sjálfir ályktanir og lærdóma af reynslu sinni, og einnig að þeir velti fyrir sér hvernig megi flytja nýja námið í vinnuna eða aðrar aðstæður. Hópefli ætti að styrkja hópinn í verklagi og samskiptum sem verða til góðs, bæði fyrir einstaklinginn og hópinn í heild sinni.
Teymisþjálfun: Teymi eru oft fámenn og yfirleitt skipuð um tiltekin verkefni eða afurð, og lýkur líftíma teymisins oft þegar verkinu er lokið. Samskipti og líðan einstaklinganna í teyminu skiptir oft minna máli en að skila afurðinni á umsömdum tíma. En eins og aðrir smáhópar verða teymi betri þegar andinn í teyminu og samskiptin eru í góðu lagi.
Liðsheildarvinna: Að gera góða liðsheild er að stuðla að opnum og heiðarlegum samskiptum í hópnum. Góð liðsheild nýtir fjölbreytileikann og þá ólíku hæfileika og færni sem búa í liðinu. Það tekur tíma, virka samveru og fjölbreytt samskipti að byggja upp trúnað, traust og reynslu sem öflugar lisheildir sýna í verkum sínum.
Dæmi um námskeið:
- Reynslunám 1 – 3. BV 3 dagar.
- Ævintýri – leið til lífsleikni – BV
- Kennslufræði úti- og ævintýranáms. JF 2 dagar.
- Af hverju að kenna og læra úti? – JF
- Ævintýranám: stuðnings- og meðferðaúrræði BV
- Börn og náttúra – VS
- Útivist í skólastarfi JF 2 dagar
- Stofnanamenning og starfsandi, árangursríkar stjórnunaraðferðir VS
- Hlutverk leiðbeinenda í starfi með börnum og unglingum VS
- Tómstundamenntun VS
- Hópefli og liðsheild BV
- Lausnamiðað samstarf BV
- Leiðtogaþjálfun BV
- Samvinna og samskipti BV
- Skólaferðalög JF 1 dagur
- Ratleikir með börnum JF 1 langur dagur
- Börn og fjölmiðlar – konur og auglýsingar VS
- Foreldrasamstarf VS
- Að ná árangri í íþróttum VS
- Hreyfing og heilsa VS
- Börn með sérþarfir í íþróttum VS
- Gegn einelti VS
- Streita og slökun BV
- Hugrækt í lífi og starfi BV
- Jákvæð sálarfræði BV
- Mikilvægi frítímans VS